Lanbro eta lainoarekin hasiko da astea. Oro har, zerua tarteka hodeitsu egongo da. Arratsalderako hodeiek gutxitzera egingo dute. Haize ahul eta aldakorra izango dugu. Gauean eta goizean goiz —goizeko hamarrak arte— abisu horia egon da, muturreko tenperatura baxuengatik eta izotzagatik. Gasteizen 1 eta 11 gradu arteko aldea espero da.
Bihar lehen orduetan lanbroa eta lainoak errepikatuko dira, baina ondoren zerua hodei gutxirekin geratuko da. Eolok hego-mendebaldetik egingo du, baina ipar-mendebaldeko osagaia hartuko du arratsalderako; beti ere, ahul-bizi arituko da. Tenperatura minimoak nahiko baxu mantenduko dira, 1 graduan. Maximoak, berriz, 14 gradura iritsiko dira.