Ostiralak zeru hodeitsuak eskainiko dizkigu, erdi eta goi mailako hodeiekin. Baina batez ere hegoaldeko haizeari adi egon beharko zaio: Arabarako abisurik eman ez duten arren, Eolo nahiko azkar ibiliko da —Bizkairako abisu horia ezarri dute—. baten ere lurraldearen iparraldean: haize boladak 80-100 km/h ingurukoak izan daitezke, eta 60 km/h ingurukoak haizegune ez direnetan. Tenperaturek zertxobait gora egingo dute, Gasteizen 6 eta 15 gradu artean ibiliko direlarik.
Asteburuan zeruak ez dira asko garbituko, eta gehienetan hodeitza mantenduko da. Are, larunbatean ekaitzak jo dezake, eta euria egiteko probabilitatea %90era iritsiko da, AEMETen arabera. Igandean, berriz, euria batez ere arratsaldean metatuko da. Goizez lainoak agertuko dira, eta tenperatura minimoek pitin bat beherago ibiliko dira. Hurrenez hurren, larunbat eta igandean 3-14 eta 3-13 gradu arteko aldeak espero dira hiriburuan.