Atzo ez bezala, egun hodeitsua izango dugu aurrean, bai eta goizean goizeko lainoak ere. Gau parterako, ordea, hodeiak gutxituko direlakoan dago Euskalmet. Haizeak ipar-osagaitik egingo du ufa nagusiki, baina azken orduetan hegoaldean finkatuko bide da. Hotzak segituko du, eta goizeko hamarrak arteko abisu horia emana dute, muturreko tenperatura baxuengatik: Gasteizen -2 eta 9 gradu arteko aldea espero da.
Ostiralerako egunak beste behin garbitzera egingo du, eta zerua hodei gutxirekin edo oskarbi mantenduko da. Lainorik iragarri ez duten arren, goizaldean behe-hodeiak azaldu daitezke. Hego osagaiko haize ahul-bizia iragarri dute. Tenperaturan ez da aldaketa handirik egongo, eguneko alde termikoa -1 eta 7 gradu artekoa izango baita. Abisu horia goizeko hamarrak arte ezarri dute.