Goizean goizeko lainbro eta lainoekin hasiko da eguna, eta, horiek desagertzean, Lorenzo nagusituko da. Haizeak mendebaldetik egingo du ufa, aparteko indarrik gabe. Eguzkiaren lana ez da asko igarriko tenperaturetan, ordea -3 eta 9 gradu arteko aldea egongo baita hiriburuan. Hori dela eta, gaukorako ere abisu horia errepilkatu dute goizeko hamarrak arte, muturreko tenperatura baxuengatik eta izotzagatik.
Ostegunean, egoera oso antzekoa izango da. Lainoak jasotzean, giro eguzkitsua errepikatuko da, arratsalde partean goi hodei batzuk agertuko diren arren. Haizea iparretik ariko da. Tenperaturak oso antzekoak izango dira, alde termikoa -2 eta 10 gradu artean ibiliko baita.