Lanbro eta lainoarekin hasiko da astea. Horiek altxatu eta gero, ordea, zeru nahiko oskarbiak geratuko dira, hodei gutxirekin. Haizea ahul eta aldakor ibiliko da. Arratsaldean ipar osagaian finkatuko da, eta bolada gogorrak izango ditu. Tenperaturak amilduko dira gaurtik aurrera: astelehen honetako eguneko tartea Gasteizen -2 eta 6 gradu artekoa izango da. Horiek direla eta, Euskalmetek abisu horia eman du, goizeko hamarrak arte.
Biharko iragarpena bide beretik doa: goizean lanbroak izango ditugu, baina gero nahiko garbi geratuko bide da. Haizea ahul eta aldakor ibiliko da, eta tenperatura minimoak are gehiago jaitsiko dira. Momentuz biharko abisurik eman ez duten arren, nahiko argi dago errepikatuko dutela, izotza sortzeko aukera asko egongo direlako: eguneko tartea -3 graduan hasi eta 9 gradura baino ez da igoko.