Beste behin, goiz lanbroarekin hasiko da eguna, eta, ondoren, hodeitsu geratuko da. Goizetik aurrera hasiko dira pilatzen hodei horiek. Batez ere arratsaldean euria egiteko arriskua egongo da. Haizeari adi ibili beharko zaio, oso gogor ariko baita. Abisu horia emana dute arratsalderako: haizeteek 100 km/-h-ko abiadura gaindi dezakete haizeguneetan. Tenperaturak nahiko epel mantenduko dira, eguneko tartea hiriburuan 4 eta 14 gradu artekoa izango delarik.
Haizeagatiko abisu horia ostiraleko ordu txikiak arte indarrean egongo da, Eolok gogor jarraituko baitu, iparretik eta ipar-mendebaldetik. Gainerakoan, zeruak hodeitsu jarraituko du, eta euri txikia egingo du. Tenperatura maximoak amilduko dira, eguneko alde termikoa 4 graduan hasi eta 8 gradura besterik ez baita igoko.