Lainoek pilatzen jarraituko dute goizean, eta ondoren zerua behe hodeien tarteekin geratuko da. Gau partean, ordea, hodeitza pilatzen hasiko da, ia-ia estalita geratzeraino. Eolo hego osagaian mantenduko da, eta eguerdira bitartean, bolada gogorrak izango ditu. Tenperaturetan ez da aldaketa larregirik egongo, eguneko tartea 9 eta 17 gradu artekoko izango baita.
Asteburuari begira, larunbatean lainoak errepikatuko dira, eta zerua hodeitsu egongo da, lantzean behin euri txikia egiteko aukerekin. Arratsalderako atertzera egingo du, Euskalmeten arabera. Igandean, oso hodeitsu egongo da, eta orduan ere euria egiteko aukera egongo da. Termometroan, bereziki minimoak amilduko dira, eta hotza nabarmentzen hasiko da: hurrenez hurren, larunbatean eta igandean 5 / 16 eta 5 / 16 gradu arteko alde termikoa espero da.