Egun osoan zeru estaliak izango ditugu, eta euria ere egun osora hedatuko da. Batez ere arratsaldean izaera trumoitsua izan dezakete euriek. Momentuz, Euskalmetek Gipuzkoara mugatu du prezipitazio iraunkorrengatiko abisu horia. Haizeak gogor joko du, ipar-mendebaldetik. Euria ez ezik, hotza ere nabaria izango da, tenperatura maximoak asko jaitsiko direlako: 9 eta 16 gradu artekoa izango da eguneko alde termikoa.
Antzeko giro goibela ostiralera ere luzatuko da, egun horretan ere, Euskalmeten arabera, noizbehinka euria egiteko aukera egongo baita. AEMETen arabera, euria egiteko probabilitatea %100ekoa da izango da. Haizeak mendebaldetik joko du, aparteko indarrik gabe. Tenperaturetan, ez da aldaketa handirik espero, alde termikoa hiriburuan 9 eta 17 gradu artean geratuko delako.