Zeru hodeitsuek segida izango dute gaur, eta, noizean behin, euri txikia egin dezake. Mendebaldeko edo ipar-mendebaldeko haize ahul-bizia izango dugu, eta, informazio hau argitaratzean bederen (08:30), Euskalmetek ez du aparteko abisurik eman gaurkorako. Tenperaturei dagokienez, dezenteko jaitsiera nabarituko da, eguneko tartea Gasteizen 8 eta 18 gradu artean egongo baita.
Ostiralean, goizean lainoak ikusi ahal izango ditugu, eta goizean zerua partez hodeituta egongo da. Arratsaldean hodeiak ugaritzen joango dira, zaparradaren bat botatzeko aukerekin. Haize ahul-bizia izango dugu, hegoaldetik. Tenperaturetan ez da aldaketarik espero, eta bezperaren antzera ibiliko dira, 7 graduan hasi eta, gehienez, 18 gradura iristeraino.
