Ane pelikulan egindako lanagatik jasotako Goya eta beste hainbat sariren ostean, Donostiako Zinemaldiaren eskutik etorri da oraingoan aitortza. Patricia Lopez Arnaizek Los destellos pelikulan egindako aktore lana saritu du epaimahaiak Zilarrezko Maskorrarekin.
Pilar Palomero zuzendariaren lana txalotu du aktore arabarrak eta hari eskainiko dio Leila Guerriero kazetariaren eskutik jasota saria. "Pertsonaian ikusten dena elkarrekin egindako lanaren ondorioa da, haren eskutik joan naiz erabateko konfiantzarekin. Aktore zuzendari bikaina da eta bere lana nabarmendu nahi dut".
72. Zinemaldiak, gainera, Albert Serra zuzendari katalaren Tardes de soledad saritu du Urrezko Maskorrarekin, Andres Roca toreatzailea protagonista duen dokumentala. Zuzendari onenaren saria, berriz, ex aequo jaso dute Laura Carreirak (On Falling) eta Pedro Martin Calerok (El Llanto).