Gaur goizean giro eguzkitsua mantenduko da, baina egoera ez da asko luzatuko, arratsaldearekin batera hodeiak ugarituz joango direlako. Haizeak hego-mendebaldetik joko du. Tenperaturei dagokienez, ez da demaseko aldaketarik espero, eguneko alde termikoa hiriburuan 11 eta 22 gradu artekoa izango baita.
Astearte arratsaldean hasitako bideak bere horretan jarraituko du asteazken osoan, zerua oso hodeitsu egongo delako, erdi eta goi mailako hodeiekin. Haizea ere berdintsu ariko da, hego-mendebaldetik, eta bolada gogorrak izango ditu. Arratsalde edo gau partean euria egin dezakeelako ideian bat datoz bai Euskalmet zein AEMET. Goibelago egon arren, maximoak are gehiago igoko dira, sargorirako tartea utzita: 12 eta 25 gradu arteko aldea egongo da.