Hodeiak eta ostarteak izango ditugu astelehen honetan. Eolo iparretik ariko da, eta arratsaldean bolada gogorrak izango dituela aurreratu du Euskalmetek. AEMETen arabera, arratsaldean euri txikia egin dezake. Tenperaturei dagokienez, aldaketa gutxi egongo dira: 9 eta 21 gradu arteko aldea izango dute Gasteizen.
Astearte goizean giro eguzkitsua izango dugu, baina arratsaldetik aurrera hodeiak pilatuko dira berriro. Haizeak hego-mendebaldetik egingo du ufa. Alde termikoa ia-ia berdinetan egongo da hiriburuan, 9 graduan hasi eta 22 graduraino.