Egun osoan zerua oso hodeitsu edo estalita mantenduko da, eta noizean behin zaparrada txikiak bota ditzake. Hain justu, prezipitazio handiagatiko abisu horia eman du Euskalmetek Bizkai eta Gipuzkoarako, baina ez, momentuz bederen, gure lurralderako. Iparreko edo ipar-mendebaldeko haizea ariko da, ahul-bizi, eta zenbaitetan bolada gogorrak izan ditzake. Hotz gehiago nabarituko da, aurreko egunekin alderatuz: 13 eta 20 gradu arteko aldea izango dute hiriburuan.
Bihar antzeko agertokia izango dugu: zerua hodeitsu edo oso hodeitsu egongo da. Beste behin, zaparrada txikiak egingo ditu noizbehinka, baina arratsaldean atertzera egingo duela dio Euskalmetek. Ipar edo ipar-mendebaldean finkatuta jarraituko du Eolok, ahul-bizi, eta bolada gogor batzuekin. Tenperaturak are gehiago jaitsiko dira, Gasteizen 11 eta 18 gradu artean ibiliko baitira.