Hauts ganduaz lagundutako giro eguzkitsua izango dugu gaur. Arratsaldean, bero hodeiak garatuko dira, eta agian zaparrada trumoitsuak bota ditzake. Hego eta hego-ekialdeko haizea ibiliko da, bizi, baina zenbaitetan bolada gogorrak izan ditzake. Muturreko tenperatura oso altuengatik eta baso sute arriskuagatik alerta laranja eman du Euskalmetek, eta abisua AEMETek: Gasteizen 22 eta 38 gradu artean ibiliko dira.
Bihar, egun nahasiagoa aterako da, baina hauts gandua eta beroa mantenduko dira. Halere, zerua hodeitsu egongo da, erdi eta goi mailako hodeiekin. Beste behin, bero hodeiak pilatu eta zaparrada trumoitsuak bota ditzake; oraingoan bederen, bereziki goizean. Haize ahul bizia egongo da, eta Euskalmetek alerta laranja mantendu du. Hiriburuan termometroak 20 eta 38 gradu artean ibiliko dira.