Hainbat egunez hodeiak jaun eta jabe izan ostean, giro eguzkitsua bueltatuko da Arabara. Horrek ez du esan nahi arratsaldeko paseoan aterkia etxean utzi behar denik, pilatutako beroagatik ekaitzak sortu daitezkeelako ordu horien bueltan. Hego haizea izango dugu goizean, eta iparrekoa arratsaldean. Tenperaturen tartea 12 graduan hasiko da, eta 30 gradura igo daiteke.
Antzeko eguraldia izango dugu bihar, giro eguzkitsua nagusi izango delarik. Goi hodei batzuk agertuko dira, eta, arratsaldean, berriz ere, bero hodeiak pilatu eta ura askatu dezakete, trumoi ekaitz modura. Eolok ere bezperako patroia errepikatuko du, goizean hegotik eta arratsaldean iparretik ufa eginez. Tenperaturei dagokienez, bero handia mantenduko da: 15 eta 31 gradu arteko aldea espero da.