Euskal Herri mailako iragarpenarekin abiatu beharko gara gaurkoan, Euskalmetekoei iratzargailuak huts egin baitie. Eguzkia nagusi izango da datozen orduetan, eta, harekin batera, bero handia etorriko da. Haizea hegotik ariko da, indar askorik gabe, eta termometroan oso tenperatura handietara iritsiko gara. AEMETen arabera, 10 graduan hasi eta 30 graduraino iritsi daiteke Gasteizen.
Bihar, giro nahasiagoa espero da, erdi eta goi mailako hodeiak ere tartean egongo direlako, eta arratsalde partean zerua estalita gera daitekeelako. Arratsaldean bereziki zaparrada trumoitsuak bota ditzake. 14 graduan hasiko da alde termikoa, eta 27 gradura iritsiko bide da.