Gaur hodeiak eta osteak tartekatuko dira Arabako zeruetan, eta batez ere egunaren bigarren zatian zaparradak bota ditzake. Eolo hegotik ariko da goizean, eta ipar partetik arratsaldean eta gauean. Hodeiak izanda ere, egun sargoritsua izango da, eguneko tartea 12 eta 27 gradu artean egongo baita.
Asteburuari begira, larunbat goizean zeru hodeitsuak geratuko dira oraindik, baina egunak aurrera egin ahala ostarteak zabalduko dira. Iganderako, zeruak garbi geratuko dira, eta, ondorioz, egun eguzkitsua espero da, goizean goizeko laino batzuk alde batera utzita. Larunbata 9 eta 20 gradu artean mantenduko da hiriburuan, baina igandean nabarituko da Lorenzoren lana, alde termikoa 7 eta 27 gradu artean geratuz.