Aldaketa gauzatu da, eta ostiral hodeitsua esnatu zaigu. Hala jarraituko bide du egun osoan. Eolok iparretik egingo du ufa, eta batez ere arratsaldeak bolada gogorrak izango ditu. Termometroan, 8 eta 17 gradu arteko tenperaturak izango ditugu.
Asteburuari begira, larunbatean zerua tarteka hodeitsu egongo da, eta goizean euri txikia egin lezake. Igandean, AEMETen arabera oso hodeitsu geratuko da, eta euria egingo du, batez ere egunaren hasieran. Tenperaturetan baina, ez da aldaketa askorik egongo, eta Gasteizen termometroa 10 eta 19 gradu artean ibiliko da asteburuan.