Aldaketarik gabe, tematuta jarraituko du eguraldiak. Hala, gaur zerua hodeitsu mantenduko da, eta zaparradak ere bota ditzake. Ohi bezala, arratsaldeak ekaitzak jo dezake. Hego haizea izango dugu goizean, eta iparraldekoa arratsaldean. Tenperaturak 7 eta 16 gradu artean ibiliko dira Gasteizen.
Asteburuari begira, antzeko giroa izango dugu. Larunbat goiza tarteka hodeitsu egongo da, eta arratsaldean trinkotu daiteke hodeitza, zaparradak botatzeko aukerarekin. Antzeko agertokia ikusiko du igandeak: zeru hodeitsua, eta, noizean behin, zaparrada trumoitsuak izango ditugu. Termometroan ez da aldaketarik espero, bi egunetako tenperatura tarteak 6 eta 17 graduren bueltan egongo baitira.