Lainoa ager daiteke goizean, baina, ondoren, egun eguzkitsua geratuko da, goi hodei gutxi batzuekin. Haizeak ez du indar askorik izango gehienetan, eta ekialdetik ahaleginduko giroa freskatzen. Alabaina, kostako zaio, termometroan uda moduko tenperaturetara iritsiko garelako: Gasteizen, 6 graduan hasi eta 24 graduraino joan daiteke galinstanoa.
Beste horrenbeste gertatuko da ostiralean ere. Behin goiz lanbroa altxatuta, zeru garbiak espero dira, hodei batek edo bestek zipriztinduta. Oraingoan bederen Eolo goizaldean indartsuago ariko da hegoaldetik, baina ondoren indarra galduko omen du. Termometroan, minimoak ere festara batuko dira, eta 9 eta 26 gradu arteko alde termikoa izango dugu.