Atzokoaren pare joko du gaurkoak: goiz lanbroak altxatu ostean, zerua gehienbat hodeitsu geratuko da, eta batez ere egunaren lehen partean euri txikia egin dezake. Mendebaldeko haize bizia ariko da. Tenperaturetan, minimoak gorantz ari dira, eguneko aldea Gasteizen 8 eta 16 gradu artean geratuko baita.
Hodeitzak segida izango du asteazkenaren lehen partean, eta goizean baliteke euri txikia izatea. Osterantzean, arratsaldean garbiago geratuko da, goi mailako hodei batzuk geratuko diren arren. Eolok mendebaldetik joko du, ahul bizi. Tenperaturek goranzko norabidean jarraituko dute: galinstanoa 7 eta 19 gradu artean ibiliko da.