Erdi Aroko Araba elkarteko adituen eskutik egin ohi den Ondare Ibilbideak izeneko programa larunbatean abiatuko da, Ekorako Ondare aberastasuna ezagutzeko bisitaldi gidatuarekin.
Arabako Errioxako Kuadrillak antolatutako bisiten egutegia uztaileraino luzatuko da. Maiatzaren 18an Gatzaga Buradon bisitatuko dute, Erdi Aroko hiribildua ezagutarazteko. Ekainaren 1arekin batera Lantziegoren txanda izango da, hango Distira historiko-artistikoari balioa emateko. Ekainaren 15ean Elvillarreko historiaz ariko dira, Historiaurretik Aro Modernora jauzi eginez. Hil horren 29an, Moredan Hiribildu harresituak mintzagai izango dituzte. Azkena uztailaren 6an izango da, Samaniego eta Mañueta aintzat hartuz, Artea mahastien artean ibilbidearekin. Bisitaldi horiek guztiak doakoak dira, baina aldez aurretik eman behar da izena.
Mendialdeari dagokionez, martxoan hasi zituzten bisitaldiak, eta dagoeneko hiru egin dituzte. Beste horrenbeste dira egiteko. Hala, maiatzaren 11n Done Bikendi Haranean eta Uribarri Haranean Erromanikotik Errenazimentura Haranan izenekoa egingo dute. Maiatzaren 25ean Errenazimenduaren gailurra Villaverde eta Lagranen ibilbidearen txanda izango da. Azkenik, ekainaren 8an Artea eta mugako politika: Bernedo osoa, Okon barne ibilbide gidatuarekin emango diete amaiera udaberriko hitzorduei.