Gaur goizean zein asteburu osoan ere lainoa agertu daiteke goizean. Ostiralari dagokionez, zerua hodei gutxirekin egongo da, eta norabide aldakorreko haizearekin batera mugituko dira ortzian kotoi zatitxoak. Goizean eta gauean hotza nabarituko da, eta beroa Lorenzo goien dagoenean: 1 eta 20 gradu arteko aldeko espero da.
Hodei gutxiko giroak segida izango du larunbat zein igandean ere bai. Halere, igande arratsalderako hodeiak ugaritu daitezkeela dio Euskametek. Eolo arratsaldeetan bereziki indartsu ariko da. Tenperaturei dagokienez, apurka maximoek atzera egingo dute. Hurrenez hurren 4-17 eta 3-15 gradu arteko aldeak izango dituzte hiriburuan.