Pertsona bat hil da eta beste bat zauritu AP-1 autobidean, igande arratsaldean izan den trafiko istripu batean. 16:15 aldera gertatu da ezbeharra, autoa bidetik atera denean. Bi bidaiariak auto barruan harrapatuta geratu dira, eta suhiltzaileek atera behar izan dituzte ibilgailutik. Bidaiarietako bat istripua gertatu den tokian bertan hil da, eta bestea Gasteizko Txagorritxuko ospitalera eraman dute, zaurituta.
Istripuaren ondorioz, bi kilometro inguruko auto ilarak sortu dira Gasteizera bidean. Ertzaintza gertatutakoa ikertzen ari da.