Gure Zirkuak Araban hasiko du zazpigarren bira, eta hamaika emanaldi eskainiko ditu, maiatzaren 10etik 25era, Etxabarri Ibiñan. Hainbat egunez, Gorbeia merkatalgunean izango da Euskal Herriko zirku ezagunena. Sarrerak apirilaren 10etik aurrera izango dira salgai, zirkua.eus webgunean.
Duela sei urte hasi zen zirku ibiltaria herriz herri, eta dagoeneko dozenaka emanaldi eta herri bisitatu ditu urte hauetan, arrakasta handiarekin denetan. Udaberriko bira berri honetarako nobedade eta sorpresa ugari prestatu dituzte, eta apirilaren 10ean aurkeztuko dituzte. "Gu prest gaude. Eta zu?".