Erdi eta goi mailako hodeiekin zerua tarteka hodeitsu egongo da gaur, bereziki goizean. Arratsaldean, baina, giro eguzkitsuagoa izango dugu. Haizearekin kontuz ibili beharko da, batez ere goizean eta gauean. Euskamelmetek abisu horia ezarri du horregatik: haizeguneetan 100 km/h-ko abiadura gaindi dezakete haize boladek. Haizegune ez diren tokietan, berriz, 60-80 km/h artekoak. Baso sute arriskuagatik ere abisu horia eman dute, haizearekin batera tenperatura altuak espero direlako: Gasteizen 11 eta 24 gradu bitartean.
Asteburuari dagokionez, aire zabaleko planak hobe larunbatean antolatzea, egun horretan eguzkia mantenduko delako, batez ere goizean. Igandean, berriz, goizetik oso hodeitsu egongo bide da, eta arratsaldean zaparrada trumoitsuak bota ditzake. Tenperaturei dagokienez, hurrenez hurren, 12/25 eta 8/19 artean ibiliko dira.