Azken egunotako joerak segida izango du aste berriaren hasieran: zeru oso hodeitsuak izango ditugu, eta noizbehinka euria egingo du. Arratsaldean, ordea, ostarteak zabalduko dira, atertzera joz. Mendebaldeko haizeak gogotsu egingo du ufa, arratsaldean indarra galduko badu ere. Eguneko tartea Gasteizen 3 eta 10 gradu artekoa izango da.
Bihar antzeko joera errepikatuko dela diote meteorologoek: zerua tarteka hodeitsu egongo da goizean, baina euria egiteko aukera gutxiagorekin. Arratsaldearekin batera, baina, ostarteak gailentzen joango dira. Goizean mendebaldeko haizea izango dugu, eta iparraldekoa arratsaldean. Eguzkiaren eragina nabarituko da termometroetan: 4 gradukoa izango da minimoa, eta 15ekoa eguneko maximoa.