Zenbait puntutan izotzarekin hasi da eguna —abisu hori ezarrita du horregatik Euskalmetek, 10:00ak arte—, baina gaurkoa egun eguzkitsua izatea espero da. Erdi eta goi mailako hodei batzuek baino ez dute zipriztinduko ortzia. Haizeak hego-ekialdetik joko du, ahul bizi. Eguneko tarte termikoa 0 graduan abiatu eta gehienez 14 gradura igoko da.
Biharko, antzeko iragarpena aurreratu dute: hodei gutxirekin mantenduko da eguna, goizean goizeko lainoak kenduta. Hodeiak erdi eta goi mailan geratuko dira, eta Eolok ez du aparteko indarrik izango. Euskalmetek izotza errepikatzeko aukeraz ohartarazi du, baina minimoak dezente igoko dira AEMETen arabera, hiriburuan 4 eta 14 gradu artean geratuz.