Ostarteak eta hodeiak tartekatuko ditu astearteak. AEMETen arabera, goizean garbiago egongo da, baina arratsaldean hodei gehiago pilatuko dira. Goizean Eolok mendebaldetik egingo du, ahul bizi, eta arratsaldean ipar osagaia hartuko du, indarra galduz. Izotzarekin tentuz ibili beharko da. Gasteizen 0 eta 12 gradu arteko aldeak ikusiko ditugu termometroan.
Asteazken goizean lainoak agertu daitezke, baina, ondoren, zerua hodei gutxirekin geratuko da, eta Lorenzo ikusi ahalko da. Erdi eta goi mailako hodeiak pasako dira. Haizea ahul-bizi ariko da, gehienetan hegoaldetik. Minimoek 0 graduren langa behetik pasako dute, eguneko tartea -1 eta 14 gradu artean geratuz.