Urrezko Domina Sabin Salaberriri

Erredakzioa 2024ko mar. 4a, 10:01
Musikariaren "lankidetza estua" goraipatu dute ekitaldian. Argazkia: IREKIA

Armentiako Prudentzio Deuna Lagunen Kofradiaren aintzatespena eman diote arabar musikariari.

Musikariaren "lankidetza estua", San Prudentzio Ereserki berriaren moldaketa, eta haren kontzertu eta hitzaldiak goraipatuz, Armentiako Prudentzio Deuna Lagunen Kofradiak Urrezko Domina eman dio Sabin Salaberri musikariari.

Ekitaldia Armentiako basilikan egin zuten, atzo, eta bertan egon ziren, besteak beste, Jose Ramon Marin, Blanca Aguillo, Alfredo Vela, Victoria Martinez, Carlos Errasti, Josetxu Apellaniz, Felix Lizarralde, Manuel Camacho, Pilar Botella eta Jose Antonio Cristobal. Modu berean Armentiako parrokoak eta Juan Carlos Elizalde gotzainak parte hartu zuten ekitaldian.

Nerea Melgosa Berdintasun, Justizia eta Gizarte Politiketako sailburuaren hitzetan, "erakundearekin duen lankidetza estuagatik, Manuel Camachok sortutako San Prudentzio Ereserki berriaren konponketak egiteagatik eta Kofradiarentzako kontzertu eta hitzaldiengatik" eman diote saria Salaberriri.

Sabin Salaberri Urzelai musikaria Gasteizko Elizbarrutiko Seminarioko Schola Cantorum-en zuzendaria eta Kontserbatorioko irakaslea izan da. Luis Aramburu Udal Musika Eskolaren sorrera sustatu zuen ere, eta bertako lehen zuzendaria izan zen.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide