Atzokoaren segida izango da gaurkoa, Euskalmeten arabera: goizean lainoak agertuko dira, eta, ondoren, zerua tarteka hodeitsu egongo da. Eguerditik aurrera hodeiak ugarituko dira, oso hodeitsu geratu arte. Abisu horia eman dute elurragatik, kota 800-1000 metro inguruan bota dezakeelako. Haizea ahul-bizi ariko da, batez ere mendebaldetik, eta batzuetan zakartu daiteke. Izotzari ere adi egon beharko zaio, 0 eta 12 gradu arteko aldea izango baita.
Asteburuan gauzak ez dira larregi aldatuko. Bai larunbat zein igandean zeru oso hodeitsuak espero dira. Larunbat arratsaldean eta igande goizean bereziki egon daitezke prezipitazioak; larunbat arratsaldean txingor gisa ere erori daiteke, trumoi ekaitzetan. Igande goizean elur kota 600-800 metroan ibili daiteke, baina arratsaldean 1.500 metro inguruan kokatuko da. Hurrenez hurren, hiriburuan 1/10 eta -2/8 gradu arteko tenperaturak egongo dira.