Aste honetako asteazken eta ostegunean, Herri Unibertsitatea Nazionala antolatu du Ikasle Abertzaleak ikasle antolakundeak, EHUren Gasteizko Campusean. Bertan, Euskal Herri osoko ikasleak bildu dira, "langileriaren behar eta interesetarako hezkuntza eraikitzeko" oinarri teorikoak lantzeko jardunaldi politikoetan.
Atzo, lehenengo jardunaldian, egun osoko egitarauaren ostean, ikasle sindikatuak Gedar.eus Langile Kazetaren bitartez iragarri zuen dozenaka ikaslek itxialdia abiatuko zutela Letren Fakultatean, bertan afaldu eta Herri Unibertsitatearekin jarraitzeko asmoz. Aurretik, gaua bertan igarotzeko baimena ukatu zien EHUko zuzendaritzak.
Fakultatean afaldu dute ikasleek, Herri Unibertsitatearekin segitzeko asmoz. pic.twitter.com/DmzBiCY1U5
— Gedar.eus (@GedarLangileKZ) February 28, 2024
21:00ak aldera eman zuten itxialdiaren berri, eta handik gutxira Ertzaintzaren furgoneta ugari agertu ziren Letren Fakultatearen atarian. EHUko errektoreordetzaren baimenarekin, istiluen kontrako dozenaka ertzain fakultate barrura sartu ziren, bildutako ikasle batzuk "borra-kolpez eta arrastaka" kanporatuz. Bitartean, hainbat pertsona kanpoaldean bildu ziren barruan zeudenei babesa adierazteko.
Azkenean, istilu larriagorik gabe gauzatu zen desalojoa. Izan ere, ikasleek borondatez alde egingo zutela adostu zuten ertzainekin, egindako identifikazioak indarrik gabe uzten bazituzten.
Irudi ikusgarriak Gasteizko Letren Fakultatean. Ikasleen materiala eramaten ari dira ertzainak. pic.twitter.com/zp3LUGsTs6
— Gedar.eus (@GedarLangileKZ) February 28, 2024
⚠️📹 Ertzaintzak ikasleak Herri Unibertsitatetik indarrez kanporatu dituen unea, EHUren Gasteizko campusean. pic.twitter.com/6chqpkmBb0
— Gedar.eus (@GedarLangileKZ) February 28, 2024
Fakultate kanpoaldean ikasleei babesa ematen ari zen gazte bat zauritu du Ertzaintzak. Borrarekin jo dute buruan. pic.twitter.com/dHhplFyvlI
— Gedar.eus (@GedarLangileKZ) February 28, 2024
Gaur, manifestazioa
"EHUko errektoreordetzak hitzezko bide guztiak itxi ditu berriz: ez du desalojoa ez den aukerarik mahaigaineratu, ikasleek nahiz fakultateko hainbat langilek presioa egin arren, Herri Unibertsitateak aurrera egin dezan", kritikatu du Ikasle Abertzaleak-ek. Horrez gain, Ertzaintzak zenbait ikasle zauritu dituela salatu dute.
Gertatutakoaren aurrean, atzoko desalojoa bera eta EHUren "izaera poliziala" salatzeko, manifestazio bat deitu dute gaur 13:00etarako, Gasteizko Campusean bertan. Herri Unibertsitatearen gaurko egitaraua, berriz, bertan behera uztea erabaki dute.
Atera da ikasleen manifestazioa Gasteizko campuseko Elurretatik. Bart Herri Unibertsitatea hustu zuen Ertzaintzak, EHUren eskutik.
— Gedar.eus (@GedarLangileKZ) February 29, 2024
Argi mintzo da gazteek gaur daramaten pankarta: 'Polizia unibertsitatetik kanpora! EHU errudun'@HUnibertsitatea pic.twitter.com/unOi4P4DYw