Egunaren zati gehiena hodei askorekin igaroko da, arratsean horiek gutxituko badira ere. Euri txikia ere egin dezakeela ohartarazi du Euskalmetek. Mendebaldeko eta ipar-mendebaldeko haizea izango da nagusi, aparteko indarrik gabe. Termometroetan ez dugu muturreko tenperaturarik ikusiko, eguneko tartea Gasteizen 5 eta 14 gradu artean ibiliko baita.
Biharko, antzeko agertokia marraztu dute. Goizean goiz lainoak sortuko dira, eta, ondoren, hodeiak eta ostarteak izango ditugu. Egunaren amaierarako erdi eta goi mailako hodeiak izango ditugu. Eolo aldakor ibiliko da, eta arratsalde partean tarte biziak izango ditu, batez ere ipar-ekialdetik. Tenperaturetan ez da aldaketarik izango, 4 eta 16 gradu arteko tartean mantenduko direlako.