Hodei askorekin esnatu da ostirala, eta hala mantenduko da lehen orduetan. Osterantzean, apurka-apurka hodeitza gutxitzen joango da, eta ostarteak ere ikusi ahalko dira. Bereziki goizean euri txikia egin dezake, eta Eolo indartsu ariko da, ipar aldetik. Termometroetan, Lorenzok jai hartu duela sentituko da, eta hiriburuan 4 et 13 gradu arteko aldean egongo dira.
Asteburuari begira, larunbata pixka bat goibel esnatuko bada ere, giro argitsuagoa nagusitzen joango da, eta goi mailako hodeiak baino ez dira geratuko. Tenperaturak bere horretan egongo dira, 3 eta 13 gradu artean. Igandea kontrako norabidean joango da: lanbro eta hodei gutxirekin hasiko da, baina ondoren berriro hodeiak sartuko zaizkigu, eta ortzia oso estalita geratuko da. Egun horretako alde termikoa bereziki zabala izango da, gradu batean hasi eta 17 graduraino.