Lainoak izango ditugu goizean goiz, baina ondoren giro eguzkitsua gailenduko da. Hala eta guztiz ere, tarteka hodeiak agertuko dira, baina erdi eta goi mailakoak izango dira. Eolo hego-mendebaldetik ibiliko da, aparteko indarrik gabe. Tenperaturen tartea Gasteizen 2 eta 17 gradu artean ibiliko da.
Bihar ere eguzkia izango dugu gehienetan, baina bezperan baino hodei gehiago ikusiko dituzte zerura begiratzeko atrebentzia dutenek. Asteartean bezala, goizen lainoak agertu daitezke, eta gero hodeiak eta ostarteak tartekatuko dira. Haizea berdinetan ibiliko da, hegotik, eta tenperatura minimoak apur bat igoko dira, eguneko tarte termikoa 5 eta 17 gradu artean kokatuz.