⛅ EGURALDIA

Gore-texdun mozorroa, badaezpada ere

Erredakzioa 2024ko ots. 9a, 08:29
Argazkia: JUANMA GALLEGO / ALEA

Asteburuan blaitzeko arriskua —edo plazera— egon daiteke: bereziki gaur eta bihar egongo da euria egiteko aukera gehien. Festa borobiltzeko, hotza eta haizeteak izango ditugu.

Zeru estaliak izango ditugu gaur, bai eta euria ere. Bereziki goizean haizeak gogor egingo du, hegotik eta hego-mendebaldetik. Hortaz, atzo emandako abisu horia mantendu dute gaur zein biharkorako. Haizeguneetan 100 km/h-ko baino gehiagoko haizeteak egon daitezke. Termometroan, maximoetan nabarituko da aldaketa gehiena, minimoak bere horretan mantenduko badira ere: Gasteizen 7 eta 12 gradu arteko aldean ibiliko dira.

Asteburuari begira, zeru hodeitsua egongo da, eta bereziki larunbatean euria egiteko aukera handiak daude, batez ere egunaren lehen partean. AEMETek ekaitzak jotzeko arriskuaz ere ohartarazi du. Igandean euria egin dezake, baina gutxiago izango omen da. Haize gogorrak mantenduko dira, eta tenperatura minimoak amilduko dira: larunbatean 1-10 eta igandean 2-11 gradu arteko aldeak espero izatekoak dira.

Bidali eguraldiari buruzko zure argazkiak erredakzioa@alea.eus helbidera.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide