Zeru hodeitsua izango dugu gaur, batez ere goizean. Desagertuko ez badira ere, arratsaldetik aurrera gutxituko dira, eta batez ere hegoaldean Eguzkia ikusi ahalko da. Ipar osagaiko haizea izango dugu, ahul-bizi. Termometroei dagokienez, Gasteizen 6 eta 12 gradu arteko aldea iragarri dute.
Larunbat goiza tarteka hodeitsu esnatuko da, baina orduan ere denborak aurrera egin ahala hodeiek gutxitzera joko dute eta arratsaldean ia-ia oskarbi geratuko da. Igande goiza lainoez zipriztinduko bada ere, ondoren hodei gutxirekin edo oskarbi egongo da ere. Asteburuan haizeak ez du aparteko indarrik izango, eta tenperaturak antzera ibiliko dira: 3-15 gradu artean larunbatean eta 5-15 igandean.