Goizean zerua hodei gutxirekin egongo da, baina arratsalde partean hodeitza pilatuko da, oso hodeitsu geratu arten. AEMETen arabera, euri pixka bat egin dezake ere. Haizeak ez du gogorregi joko, eta ipar partetik ariko da. Gasteizen tenperaturen tartea nahiko epela izango da, 5 graduan hasi eta 14raino.
Ostegun arratsaldean finkatutako giroan tematuko da ostirala, eta zeru hodeitsuak izango ditugu. Euskalmeten arabera ez da euririk espero, baina AEMETek euri txikia egingo duela dio. Haizeak ipar osagaian segituko du, ahul-bizi. Tenperaturei dagokienez, ez da aldaketa larregirik espero, baina minimoek pitin bat egingo dute gora: 7 eta 13 gradu arteko aldea espero da.