Hodei gutxirekin edo oskarbi azalduko zaigu eguna. Egongo diren hodei apurrak erdi eta goi mailakoak izango dira. Goizean goiz lainoa agertuko da, halere. Azken egunotako joerari jarraiki, haizea hegoaldetik ariko da. Hiriburuan, tenperaturen tartea 3 eta 14 gradu artekoa izango da.
Lainoa errepikatuko da asteazkenean. Arratsalde partean bereziki eguzkitsu egongo da zerua, goi mailako hodei batzuekin. Eolo hegoaldeko osagaiarekin ibiliko da goizean, baina arratsaldetik aurrera aldakor geratuko da. Tenperaturetan ez da demaseko aldaketarik egongo, eta gauean zein goizean goiz hotza izango dugu: 2 eta 14 gradu arteko aldeak espero dira.