Zerua partez hodeitsua izango dugu gaurkoan, erdi eta goi mailako hodeiekin. Edalontzia erdi hustuta ikusi du Euskalmetek. AEMETek eta beste zenbait zerbitzuk edalontzia erdi beteta ikusi dute, eta, ondorioz, Eguzkia ere ikusi ahalko da hauen arabera. Eolok hegotik egingo du ufa, bolada gogorrekin. Tenperaturen tartea Gasteizen 7 eta 14 gradu artean ibiliko da.
Bihar goizerako antzeko agertokia marraztu du Euskalmetek, erdi eta goi mailako hodeiak egongo direlakoan, baina arratsalderako giro eguzkitsua agindu du. Haizea bere horretan geratuko da, hegotik ufaka. Tenperaturei dagokienez, minimoetan igarriko da alde gehiena, eguneko tartea 4 eta 14 gradu artean ibiliko baita.