Bai gaur zein asteburu osoan lainoekin hasiko dira egunak. Ostiral honetan goi mailako hodeiak izango ditugu, eta Lorenzo berriro ikusi ahalko dugu. Arratsaldean haizea ipar osagaian finkatuko da. Tenperaturei dagokienez, minimoetan etorriko da aldaketa handiena, eguneko tartea Gasteizen 2 eta 17 gradu artean mugituko baita.
Larunbatean Eguzkia jaun eta jabe izango da, erdi eta goi mailako hodeiak ere igaroko badira ere. Giro hori errepikatuko da igandean. Haizeak ez du aparteko indarrik izango. Tenperaturak apurka berreskuratuko dira, larunbat eta igandean hurrenez hurren 4-18 eta 6-16 gradu artean egongo direlako.