Gaur egun eguzkitsua izango dugu hasieran, baina egunak aurrera egin ahala goi hodeiak ugarituko dira. Haizearen norabidea ere aldatuko da: goizean hegotik egingo badu ere, arratsaldean ipar osagaia hartuko du. Dena dela, Eolok ez du larregi freskatuko, eta, beste behin, urtarrilean batere ohikoak ez diren tenperaturetara iritsiko da gaur: Gasteizen 6 eta 18 gradu arteko aldea egongo da termometroetan.
Bihar goizean lainoak azalduko dira. Ondoren, hodeiak eta ostarteak igaroko dira zerutik. Arratsaldean hodeitza handituko da. Eolok bezperaren bidetik egingo du: hegoaldetik goizean, eta iparretik arratsaldean. Koska bat beherago, baina termometroa antzera ibiliko da: 4 eta 17 gradu arteko aldea izango bide dugu.