Goizean goiz lainoekin hasiko da asteartea, baina gero giro eguzkitsua gailenduko da, batez ere arratsaldean. Hodeiak egongo dira ere, goi mailakoak izango dira. Haizeak hegotik egingo du ufa, eta tenperaturen tartea nahiko epel geratuko da: 5 eta 15 gradu artean, Gasteizen.
Biharko, antzeko agertokia izango dugu: lainoak izango ditugu goizean, baina ondoren nahiko garbi geratuko da, goi mailako hodeiez zipriztinduta. Eolo hegoaldeko osagaian geratuko da, aparteko indarrik gabe. Maximoek pittin bat gorago egingo dute: eguneko tartea 4 eta 17 gradu artean geratuko da.