Goizeko hamarrak arte azken egunetan izan den abisu horia luzatu du Euskalmetek, tenperatura baxuak direla eta. Dena dela, hiriburuan eguneko tenperaturen tartea 2 eta 8 gradu artean egongo da AEMETen arabera. Oro har, egun eguzkitsua izango dugu goizean goizeko lainoak altxatzen direnean. Haizeak iparretik egingo du.
Asteburuari begira, larunbatean hodeiak eta ostarteak izango ditugu, hego haizearekin batera. Tenperaturen tartea dezente zabalduko da, eta batez ere izotzarekin tentuz ibili beharko da: -3 eta 11 gradu artekoa iragarri dute Gasteizerako. Igandean, berriz, berriro iluntzera joko du, hodei askorekin eta bereziki arratsaldean euria egiteko aukerekin. Egun horretan, baina, muturreko hotza atzean geratuko bide da, 4 eta 14 gradu arteko tartea geratuko delarik.