Muturreko tenperatura baxuengatik eta izotzagatik abisu horia emana du Euskalmetek goizeko hamarrak arte. Goizen lanbroa agertu daiteke, eta zerua tarteka hodeitsu egongo da. Arratsaldean hodeitza handituko da. Norabide aldakorreko haizea izango dugu, eta tenperaturen tartea hiriburuan -2 eta 8 gradu artekoa izango da.
Bihar "noizbehinka" elurra edo elur bustia egingo duela iragarri du Euskalmetek, eta arratsalderako elur kota 600 metroan egongo dela dio AEMETek. Euskalmetek 400-700 metro arteko tarte zabala iragarri du, eta abisu horia emana du egun guztirako. Tenperaturei dagokienez, 0 eta 4 gradu arteko aldea izango dute Gasteizen.