Euskalmetek jakitera eman duenez, elurragatik abisu horia ezarri du Araba barnealdean. Abisu hori 21:00etatik 24:00etara egongo da indarrean, eta hurrengo egunera arte luzatuko da. Elur-kota 1000-1100 metro inguruan kokatuko da arratsaldean, eta 900-1000 metrora jaitsiko da gauean. Prezipitazioei dagokienez, txiki-ertaina egingo du, sarriago eta ugariago Kantauri isurialdean, non zenbait tokitan handia egin dezakeen.
Larunbatean, berriz, abisu horia 00:00etatik 24:00etara egongo da indarrean. Denbora horretan, elur-kota 700-900 metrora jaitsiko da, eta batzuetan gehiago jaitsi ahal izango da. Zaparrada txiki-ertainak espero dira, sarriagoak eta ugariagoak kantauri isurialdean, eta han-hemenka zaparrada handiak bota ditzake, bereziki goizaldean eta lehen orduetan.
Igandean elur kota 700-800 metro ingurura izan daiteke, noizbehinka 600 metrora, bereziki goizaldean eta gauean. Zaparrada txiki-ertainak botako ditu, sarriago eta ugariago Kantauri isurialdean eta egunaren lehen partean.