Beste behin, urtean zehar ematen diguzuen babesa eta gertuko informazioa jasotzeko egiten duzuen hautua bihotzez eskertu nahi dizuegu. Gertutasun eta berotasun horri esker egiten baitugu aurrera.
Zaindu gertukoa
Dakizuenez, gertukoa zaintzeko hartu dugun konpromiso hori, informazio hutsetik haratago, gure eguneroko bizimoduan ere txertatu nahi dugu. Arrazoi horregatik, gure inguruko negozio, denda eta establezimenduetan ALEAkide guztientzako abantailak eskaintzeko lanetan hasiak gara, eta erronka horrekin helduko diogu urte berriari ere.
Oraindik horietaz gozatzeko aukerarik izan ez baduzu, horretarako gonbidapena egin nahi dizugu. Zergatik ez Gabonak ospatu bertan ekoiztu eta egindako produktuak gozatuz?
Bide horretatik, Gabonetara begira zozketa sorta berezia izango duzue eskura: Arabako ekoizleek eskainitako produktu sorta eta saskiak batetik; eta Errege opil zoragarria bestetik.
Ondo bukatu urtea, eta hobeto hasi datorrena!