Lanbroak izango ditugu, baina eguerdira arte Eguzkia ikusi ahalko dugu, zeruan dotore. Arratsaldetik aurrera, ostera, lainoak pilatzen hasiko dira. Haize aldakorra ibiliko da, eta termometroak oso koska baxuetara iritsiko dira: Gasteizen -2 eta 10 gradu arteko aldea iragarri dute. Hortaz, Euskalmetek abisu horia emana du goizeko hamarrak arte.
Asteazkeneko zeruak nahiko hodeitsu egongo dira, eta noizean behin euria bota ahalko du ere. Ipar-mendebaldetik ufa egingo du Eolok, zenbaitetan gogoz. Termometroek menia pixka bat emango dute, eguneko tartea 4 eta 9 gradu artean ibiliko baita.