Ostarteak zabalduko diren arren, oro har, zerua hodeitsu egongo da gaur, eta noizbehinka euria izango dugu ere. Mendebaldeko osagaia nagusi izango da egun gehienean; zenbaitetan, bolada gogorrekin. Elur kota 1.200 metroan kokatuko da egunaren amaieran. Tenperatura minimoek zertxobait hobera egingo dute, eguneko tartea Gasteizen 3 eta 13 gradu artean mantenduko delarik.
Bihar antzeko giroa errepikatuko da, hodeiak eta ostarteak tartekatuko baitira. Euria egitekotan, goizean egingo du. Eolo mendebaldeko osagaian mantenduko da goizean, baina arratsaldetik aurrera aldakor ibiliko da. Berriz ere, tenperaturek beheranzko joeran sartuko dira: 1 eta 10 gradu arteko aldea espero izatekoa da.