Astearen hasierarekin batera hodeiek berreskuratuko dute beren lehen mailako postua. Hodeiekin batera, euri txikia ere izan ahalko dugu. Haizeak ipar-mendebaldetik joko du gehienetan, ahul-bizi, eta tenperaturak dezente jaitsiko dira: Gasteizen 7 ta 14 gradu artean ibiliko dira, baina, AEMETen arabera, sentsazio termikoaren minimoa 4 graduan egongo da.
Biharko agertokia antzekoa izango da: astearte hodeitsua izango dugu, euri txiki eta ertainarekin. Eolok ipar-mendebaldean jarraituko du, baina are gogorrago egingo du, batez ere haizeguneetan. Termometroetan, maximoetan igarriko da aldaketa gehiena: 6 eta 10 gradu arteko aldean ibiliko da galinstanoa.